భారత్‌, శ్రీలంక సంయుక్తంగా ఆతిథ్యం ఇవ్వనున్న టీ20 వరల్డ్‌కప్‌ 2026 ఫిబ్రవరి 7 నుంచి మార్చి 8 వరకు జరగనుంది. ఈ మెగాటోర్నీ నేపథ్యంలో క్రికెట్‌ ఆస్ట్రేలియా తమ జాతీయ జట్టును అధికారికంగా ప్రకటించింది. అయితే గాయం కారణంగా స్టార్‌ ఫాస్ట్‌ బౌలర్‌ పాట్‌ కమిన్స్‌ ఈ టోర్నీకి దూరమయ్యాడు. అదే సమయంలో అనుభవజ్ఞుడు స్టీవ్‌ స్మిత్‌కు కూడా జట్టులో చోటు దక్కలేదు.
ఇతరవైపు ఆల్‌రౌండర్‌ గ్లెన్‌ మాక్స్‌వెల్‌, స్పిన్‌ స్పెషలిస్ట్‌ ఆడం జంపాకు సెలక్షన్‌ దక్కడం విశేషం. ఈసారి ఆస్ట్రేలియా జట్టుకు మిచ్‌ మార్ష్‌ కెప్టెన్‌గా బాధ్యతలు నిర్వహించనున్నాడు. టీ20 వరల్డ్‌కప్‌లో ఆసీస్‌ జట్టు తమ తొలి మ్యాచ్‌ను ఫిబ్రవరి 11న కొలంబోలోని ఆర్‌ ప్రేమదాస స్టేడియం వేదికగా ఐర్లాండ్‌తో ఆడనుంది. ఈ మ్యాచ్‌పై ఇప్పటికే అభిమానుల్లో ఆసక్తి పెరుగుతోంది.
ఆస్ట్రేలియా జట్టు: మిచ్‌ మార్ష్‌ (కెప్టెన్‌), జేవియర్‌ బార్ట్‌లెట్‌, కూపర్‌ కానెల్లీ, టిమ్‌ డేవిడ్‌, బెన్ డ్వార్షుయిస్, కెమెరూన్‌ గ్రీన్‌, నాథన్‌ ఎల్లిస్‌, ట్రావిస్‌ హెడ్‌, జోష్‌ హేజిల్‌వుడ్‌, జోష్‌ ఇంగ్లిస్‌, మాథ్యూ కుహ్నెమెన్‌, గ్లెన్‌ మాక్స్‌వెల్‌, మాథ్యూ రెన్షా, మార్కస్‌ స్టోయినిస్‌, ఆడమ్‌ జంపా
